Web software
since 1996

Disvilup Software

Cualchi esempli al vâl plui di mil cjacaris. Duncje, ve ca dôs peraulis su cualchidune des nestris realizazions.

Ricercje Mediche

O vin realizât un program par meti adun dâts, sempliç e intuitîf, di informazions medichis relativis a gjenars particolârs di pazients, concepît tant che cloud service e duncje fruibil di un grant numar di struturis sanitariis. Cui dâts metûts adun al è pussibil capî la eficacie dai farmacs e dai trataments, e duncje furnî un miôr servizi ai pazients. Par chest lavôr al è stât tant impuartant curâ, di là de sigurece dai dâts, ancje la privacy, midiant di sofisticâts sistemis di criptografie.

Gjestion Agjenzie Imobiliâr

Par risolvi i problemis organizatîfs internis a une agjenzie imobiliâr, costrete a vê a ce fâ cun tante cjarte, o vin preparât un program web-based là che la agjenzie e met dentri lis schedis dai imobii. A partî di chestis schedis al ven gjenerât automatichementri il sît web, a vegnin stampadis lis schedis pal archivi cartaci e ancje chês (cuntun set plui ridot di informazions) di consegnâ al client, e i sfueis di riclam di picjâ su la vetrine. Cun di plui il program al è stât integrât in maniere di podê, in maniere direte e automatichementri, gjenerâ e inviâ i aviis di vendite aes rivistis di setôr.

Manutenzions di Protezions Industriâls

La manutenzion di protezions industriâls e je une vore delicade, stant che e je regolade di normis precisis di leç su la sigurece dal lavôr. Il nestri program si interesse di gjestî lis scjadincis temporâls des manutenzions sedi su lis machinis che sui lôr singui components, o su cluster di machinis. Un sisteme di scjadinzis cun avîs al permet, a cui che al à di gjestî lis manutenzions, di vignî informât par timp, e la disponibilitât de documentazion in maniere direte dentri dal program (fruibil ancje di dispositivis mobiliis) al permet di fâ lis manutenzions stessis in maniere vuidade. Il program si ocupe ancje de stampe automatiche e a norme di leç di certificâts di conformitât, certificâts di garanzie e etichetis cun codiç a sbaris o QR-code.

Cumierç Eletronic

Lis nestris aplicazions a son ae base di varis sîts di cumierç eletronic. O vin simpri cirût di lâ di là di un sît biel di viodi e cun tancj efiets grafics, pontant ancje e soredut su la sigurece dai dâts dai utents (che a podaressin ancje jessi numars di cjarte di credit, ...), su la fuarce dal sisteme, su la scalabilitât e su leams cun sistemis esternis (gjestionâi, provider di transazions, compagniis di spedizion, ...). Vint disvilupât sistemis e-commerce sedi par aziendis europeanis che americanis, o vin acuisît esperience sul calcul automatic di tassis, coscj di spedizion e spesis doganâls par marcjanziis logadis in diviersis nazions e destinadis a dut il mont.

E...

Su domande dai nestris clients, o vin disvilupât e o disvilupìn ancje tant altri. Contatinus!

news

Blend Group

© 1996-2014 Sigmafin sas
P. IVA IT-00400770939
Privacy